Yoh wa ar ka Meghalaya ha ka National Pencak Silat Championship du hapoh chi snem wa seiñ ya ka Association

Ka Nagaland da yoh ko yei naam Overall Champions ha ka 14th Senior National Pencak Silat Championship 2026 wei ka Meghalaya da yoh wa ar ko khlem dapoi pyrkhat heiwa kiwi ki liang wa chimbynta toh kiwa da myllien bha ha kani ka jait yalehke da slem. 

Ka Nagaland da yoh nyngkong ko deiwa yoh 6 tylli ki Gold, 2 tylli ki Silver wa kawi ka Bronze Medal katwa ka Meghalaya da yoh ko 4 tylli ki Gold, 2 tylli ki Silver wa 6 tylli ki Bronze. Hei wa le da em ka All India Police Sports Control Board kawa yoh 4 tylli ki Gold, 2 tylli ki Silver wa kawi ka Bronze Medal. 

Uni toh u moomær wa kyrpang ya ka Meghalaya Pencak Silat Association (MPSA) kawa da seiñ dang chi snem donhi. Ha u March uni u snem da yoh ki ya ka naam Overall Champions ha ka Senior National Khelo India ASMITA Pencak Silat League 2025-26 for Women. 

Kani ka Championship kawa kattæ toh kawa le sngi wei da pynman ka ha Sports Authority of India (SAI) Centre ka NEHU Campus, heiwa da chimbynta da 1,500 ngut kiwa yalehke na ki 36 tylli ki jylla wa UT wow yaleh ha ka kyrdan Sports Boards Competing in Artistic (Seni) wa Combat (Tanding) Category wei da pynman ka da ka Indian Pencak Silat Federation (IPSF) deiwa ya krehlang wa ka MPSA.

Ka Pencak Silat toh ka Indonesian Martial Arts wei man ko leh kam chibynta ka Asian Games wei da yooluti wow em ko ha ka 39th National Games kawa daw pynman ha Meghalaya ha u snem wow wan. 

Related posts

Khut ka Wahiajer Sport Club cha ka Football Trial yow jied ya kiwa yalehke Super Division

July 9, 2026

I pyntip wa emkaam cha ki Team, ki Club wa em hapoh ka Thadlaskein Sport Association

July 8, 2026

Kiwa yoh Gold Medal ya ka Meghalaya toh ka Banrilang Muktieh (Tanding -65kg Female), u Tobias Klein (Seni Ganda Male), u Philip Khymdeit (Seni Ganda Male) wa ka Rimchi Sangma (Seni Tunggal Female).

Kiwi Medal wa yoh ka jylla toh ha ka Tanding. Ar tylli ki Silver Medal da yoh da ka Viviana Mallai (-70kg Female) wa u Tapash Rabha (-85kg Male), kiwa yoh Bronze Medal toh ka Khamtimon Rympei (-80kg Female), ka Domonika Syiem (-60kg Female), ka Iohdahun Klein (-55kg Female), u Anthony Shadap (-55kg Male), u Sundayrius Khymdeit (-60kg Male) wa u Moon Moon Rabha (-70kg Male). 

U Coach ka Meghalaya toh u Thomas Rangthaluh wei u Manager toh u Balamlang Khriam.