Tynyap uwi ya ki 6 ngut hadien wa lait jamin na ka Case POCSO

Ha iwi i jia wa pynkhyrngiat ya kiwa boon, uwi u bru wa chah pynngat hapoh ka aiñ Protection of Children from Sexual Offences (POCSO) Act, da tynyap u ya ki 6 ngut wa kynthup ya ka khynnah wa pynbaad ya oo, ka bei ko kawa 45 snem, ka beipun ko kawa 65 snem wei da tynyap u leh ya ka kurim wa ki khon u ha jylla Telangana ha ka 10 tarik uni u bnai.

Uni u bru da lait jamin u na ka Case POSCO wei da yut u na ki pulit ka Shabad Police Station ka Ranga Reddy District.

Uwi u heh pulit da ong u wa uni u bru da tip kam u Raju Kumar (35) heiwa da chah pynngat u hapoh ka Case POCSO neidaw wa bood u ya ka khynnah kynthai manda liwan ko na Coaching Centre heiwa da pyndik u ka hadooh wow tyrwa yei maya.

Ya ki metyap ki 6 ngut da kit cha Hospital wow leh yeiwa emkaam. 

U Rajkumar nyngkong da tynyap u ya ka bei ka khynnah deiwa psiah ha yung ki, neitæ ya ka beipun ka khynnah kawa thiah ha yung.

Related posts

Yap 15 ngut ki Tourist na India ha Vietnam hadien wa kylla ka lieñ

July 11, 2026

Pawnaam kawi neiwa sariem dur wa u Haaland

July 11, 2026

Hadien ini da kit u ya ka khynnah wa 16 snem da ka kari chajan ka nan wei da tynyap u ka chwa wow liwan u cha yung.

Manda poi ha yung da tynyap u sa ya ka kurim u, ka Parvathi Sarita kawa 31 snem wa ar ngut ki khon uwi uwa 4 snem wa uwi 18 bnai ha i yung ki ha Shabad.

Ki pulit dang thooh ki ya uni u bru wei da em leh ka khubor wa ong wa hadien wa leh u yeini waroh da Phone u cha ka bei wa u pa u yow ong wa da pynyap u ya 6 ngut ki bru.