Ha iwi i jia wa pynkhyrngiat ya kiwa boon, uwi u bru wa chah pynngat hapoh ka aiñ Protection of Children from Sexual Offences (POCSO) Act, da tynyap u ya ki 6 ngut wa kynthup ya ka khynnah wa pynbaad ya oo, ka bei ko kawa 45 snem, ka beipun ko kawa 65 snem wei da tynyap u leh ya ka kurim wa ki khon u ha jylla Telangana ha ka 10 tarik uni u bnai.
Uni u bru da lait jamin u na ka Case POSCO wei da yut u na ki pulit ka Shabad Police Station ka Ranga Reddy District.
Uwi u heh pulit da ong u wa uni u bru da tip kam u Raju Kumar (35) heiwa da chah pynngat u hapoh ka Case POCSO neidaw wa bood u ya ka khynnah kynthai manda liwan ko na Coaching Centre heiwa da pyndik u ka hadooh wow tyrwa yei maya.
Ya ki metyap ki 6 ngut da kit cha Hospital wow leh yeiwa emkaam.
U Rajkumar nyngkong da tynyap u ya ka bei ka khynnah deiwa psiah ha yung ki, neitæ ya ka beipun ka khynnah kawa thiah ha yung.
Hadien ini da kit u ya ka khynnah wa 16 snem da ka kari chajan ka nan wei da tynyap u ka chwa wow liwan u cha yung.
Manda poi ha yung da tynyap u sa ya ka kurim u, ka Parvathi Sarita kawa 31 snem wa ar ngut ki khon uwi uwa 4 snem wa uwi 18 bnai ha i yung ki ha Shabad.
Ki pulit dang thooh ki ya uni u bru wei da em leh ka khubor wa ong wa hadien wa leh u yeini waroh da Phone u cha ka bei wa u pa u yow ong wa da pynyap u ya 6 ngut ki bru.
Discussion about this post