Hei janmiet ka 10 tarik uni u bnai, 5 ngut ki bru wa kynthup ya 2 ngut kiwa kreh mylla kiwa man ki kam ki Nepali wa 2 ngut ki Khasi da dooh noh ki yei mynsien katwa dang tih ya kawi ka thlu um ha ka chnong Lapalang Dong Madan (Lane 4), Shillong.
Kini ki 5 ngut kiwa yap ym pu tip pyrtuid ki wei da kreh ki yow tih ya kawi ka thlu um ha kawi ka yung, wei uwi uwa yap deilang wa kini toh uwa da pyrchang wow yarap ya ki 4 ngut kiwa em hapoh ka thlu um.
Kani ka thlu um toh kawa yillu bhah wei kawa da jan dep chna, tangwa heipor wa sdang biang ki u kreh ynnin ka sngi, da sdang ko wow dap um, kamtæ yow taan ya ka um da pynemkaam da ka Pump kawa da thap hapoh kani ka thlu um.
Tangwa kani ka Pump toh kawa mih tdem wei kiwa em hapoh ka thlu um da dooh la-ær ki wei da yap ki deiwa kdang tdem.
Najrong kini ki 5 ngut dang em leh sa uwi uwa kreh mylla deilang uwa lait im uwa da lai paan yarap mar ya yoo u yeini wa jia.
Yei metyap kini ki 5 ngut da wan wow sai da ki bru ka Search and Rescue Team wa ka Fire and Emergency Service heiwa da pynkit cha NEIGRIHMS yow pyndep ya ka Post Mortem.
I takit yeini wa jia dang lai i chakhmat.
Discussion about this post