Ynne i sngi da em 15 ngut ki Tourist na India wa da yap hadien wa kylla ka lieñ wa chong ki ha Phu Quoc Island ka ri Vietnam iwa pynman ya ki bor sorkar wa ki pulit wow kreh ki wut-wut wow pylnait ya kiwa ngam.
Kani ka lieñ toh kawa kit ya 32 ngut ki Tourist na India wa 4 ngut kiwa kreh heipor wa kylla ko hajan Hon May Rut Ngoai Island wa em hajan ka Phu Quoc Island hi.
Ki Video wa poor ha Social Media da pynyoo ya ki bor pulit wa ki paidbah wa yaleh ki wow yarap heiwa da pynthiah ya kiwa da ye u sai ha ki rana wa em harood duriaw wei da pyrchang wow leh CPR yow riñ mynsien biang ki.
Na kini ki 32 ngut da ye u yarap u sai ya ki 21 ngut wa kynthup ya 3 ngut kiwa kreh.
Neiliang ka Indian Embassy ha Vietnam da pyntikna ko yeini heiwa da booh leh ya ka Emergency Response Centres ha Ho Chi Minh City wa Hanoi wow yarap ya ki manyung.
Ya i daw wa kylla ka lieñ ympu tip hadooh katni katwa i takit dang lai i chaphrang.
Ki manyung wa chah ktah ye ki wow Phone ha ka Control Room ka Consulate General of India ha Ho Chi Minh City ha kini ki No. +84362817930, +84915523714 wa +84334520414.
Ka Control Room won ha Hanoi ye u phone ha u +84913089165.
Discussion about this post