Wai ka Jowai Consumers’ Co-Operative Store ya ka yung krehkaam

Ka dukan ka Jowai Consumer Co-Operative Store Ltd kawa da sdang nadooh u snem 1963 deiwa booh nyngkong ka ha yung ka (L) Rubywell Laloo ha Mission Compound Jowai kam chibynta wow dai ya ki mar hei dor wa biang neidaw wa joor ku dor ki mar wei hadien won da rah ka cha Iawmusiang ha i yung ka Anita Khriem deiwa dai ki mar baam, ki tiar Plastic, ki mar wa pynemkaam ha ki Office wa ki kattu katni ki thaw ki nep, da boohlang leh wa ka yung krehkaam ka Co-Operative ha ka jooh ka thaw.

Ynne da yoh ko wow wai ya ka yung krehkaam wa thymme yong ka kawa em ha Loomsooyung New Hill, Jowai deiwa emlang u Assistant Registrar of Co-operative Societies, West Jaintia Hills District, u Kolin Khongjoh chirup ki dkhot ka Jowai Consumer Cooperative Store Ltd.

U Kolin Khongjoh kam u kongsan hawa e yei klam da pynsñiaw u yei kmen wow yoo yei heh i san kani ka Co-Operative Society ha ki snem wa da lai hanla ym em ko da ki yong ka hi ka yung krehkaam da boon boon snem tangwa i chakri yong ka man i iwa lai bait.

Kamtæ da ong u wa kattu deiwa yoh dei yong ka hi ka Office da man ko u moomær wa kongsan iwa pynyoo leh yei kreh chitom ki dkhot ka Co-Operative.

Related posts

Yap le ngut ki khynnah nei chah riñ ha u sainar bordiñ wa haap ha khyndaw | Ar ngut kiwa chi payu

July 15, 2026

I khang ka KSU ya ka Mandir ka CBI ha Shillong man ko pyrchah ri wei pyrchah ya ka Constitution: Kutumba Surakshya Parishad

July 15, 2026

Da pynsñiaw u leh yei sñiawskem wa kattu hadien palat 63 snem deiwa jop ya iwa boon i eh i khoo daw ye u heh u san chooh chooh deiwa yoh ya kani ka Office yong ka.

Ka Co-Operative da pynche ko leh wa ka dukan yong ka u neh hi ko ha Iawmusiang ha i thaw wa em kattæ.