Wym leh yeiwa da kular, khang ka JNC ya ka yung krehkaam ka Airtel ha Jowai

Ynne ka sngi ka JNC-Western Zone hapoh i yahkhmat u President yong ka, u Hamehi Bamon chirup wa ki dkhot ka seiñ da lai khang ki ya ka yung krehkaam ka Airtel kawa em ha Ladthadlaboh Jowai.

Kam wow pynkynmoo ha ka 28 tarik u January ka seiñ da yaklam ko wa ki heh yong ka Airtel neibynta wow dawa wow pynbiang ya ka Network ha Woodland WK Hospital kawa em ha Sabahmuswang.

Related posts

Da khut Admission neibynta ka Spoken English-Morning Batch, ha EduCareerPoint Skills Training & Career Counselling, Jowai

July 16, 2026

Lai khang ka JRC ya ka chnat ka Meghalaya Rural Bank wa em ha Iooksi

July 16, 2026

Ha i yaklam da kular ki heh ka Airtel wow booh da u Tower hapoh ka chnong Sabahmuswang wei wow chna hapoh 3-4 bnai hadien wa yoh ya i thaw wow chna ya u Tower.

Tangwa kani ka Company hadooh kattæ leh wym pu em u leh ko iyi iyi leh wre manda yaklam wa ki heh yong ka leh da klam kyllaiñ ki, kamtæ ka seiñ da lai khang ko ya ka yung krehkaam yong ka Airtel chisienson kat hadooh wym pu klam ki deiwa che wei booh por u sdang ya i kaam wut-wut.