Ka Cabinet ka sorkar pyrdi ynne da mynjur ko ya ka Draft Bill yow booh da ki Fast-Track Court wei wow pyntikna wa da pynchitom deiwa khor lada jia ki Paper Leak wa kiwa leh thok ha ki Exam.
Ka Cabinet wa khlieh da u Prime Minister Narendra Modi da yachem ko ynne ha Parliament House Complex yow mynjur ya kani ka Draft Bill wei ya kani ka Bill da yooluti wow wanrah hapoh Parliament ha ka tayaaw wow wan.
Kam wow kdaw heini, neiliang ka sorkar pyrdi da wanrah ko ya ka aiñ thymme ha u 2024 hawa em i jia ki Paper Leak wei hadien soo bnai da e ka President ka ri ya ka muhor wow pynman aiñ ya ka The Public Examinations (Prevention of Unfair Means) Act, 2024 heiwa da pynkrehkaam ka ha u June 2024 heipor wa joor i chrai ki paidbah deiwa mih ki pynbaad wa lait tooh ki Question Paper ka NEET wa ka NET.
Kani ka aiñ man ko yow khanglaad yei leh tooh ha ki Exam wa pynman da ka Union Public Service Commission (UPSC), ka Staff Selection Commission (SSC), ka Railways, ki Banking Recruitment Exam wa ka National Testing Agency (NTA) najrong kiwi de.
Ka Bill kawa nachwa da booh ko wow kset 3-5 snem ya kiwa leh tooh wei kitu won kiwa emkti wow wanrah yei leh tooh ye ki wow chah kset 5-10 snem wa ka kuna kawa duna dooh Rs.1 klur.
Puræ leh: Wanrah ka sorkar da ka Bill wow daiñ kuna Rs. 1 klur ya kiwa leh thok ha ki Exam yaleh kreh
Discussion about this post