U pulit ka Bihar da chah Suspend u hadien wa yoo wa pynemkaam u da ka suloi AK-47 ha ka 25 tarik uni u bnai ha i yakhih ‘Bihar Bandh’ ha Siwan District.
Ini i yakhih toh wow pyrchah ya ka Paper Leak heiwa i yakhih da man i ha kiwa boon ki District ka jylla heiwa da em i yakhun hapyrdi ki pulit wa ki khynroo wa yakhih.
I Video wa poor bha da yoo ya u pulit wa sap ya ka Helmet wa ka Bulletproof Vest wei beh u ya kiwa yakhih chirup wa ka AK-47 ha kti.
Da yoo leh wa siat u chi kuli wei da khut u ya kiwi wow wan wa oo chaphrang wow beh ya kiwa yakhih.
I Suspend ya u pulit da wan i hadien wa u Leader of Opposition ka Bihar, u Tejashwi Yadav da pyrchah joor u yei pynemkaam AK-47 heipor wa pynman yakhih wei da dawa u leh wow pynchitom ya kiwa emkti u siat.
Ha i yakhih ha Siwan da mynsoo le ngut wei da chah sumaar ki ha Jayprabha Medanta Hospital ha Patna wei uwi u khynnah wa 15 snem wa tip kam u Md Arif, da toh kuli u na rdang wei ki Doctor da ye ki wow sai ya uni u kuli.
Discussion about this post