I pynche na u Dolloi heiyatoh wa ka Yadaw Rong Yadaw Niam ka Elaka Mynso

Ka Yadaw Rong Yadaw Niam wa jooh pynman khlieh u snem hapoh Elaka Mynso toh kawi na ki rukom dustur wa da pynjooh sikai na warim hadien wa dadep ka Khrong Katri, ki bynta ki yong u Symbe u Phniang wa da yoh u kam ya ka Sngi ka Yaaw, kiwa lailang chirup wa ka niam ka rukom hapoh ka Raij ka Elaka.

Ha uni u snem 2026, ka Seiñraij Mynso da thoh ko ya ka chithi cha u Dolloi wow pynsñiaw yei sñiawdiaw yei yoh yutip wa daw em i pyndep ya Ka Yadaw Rong hapoh Elaka Mynso ha Umrasun ha ka 28 tarik uni u bani. Da pynsñiaw haroh ha oo wa na ki daw wym ye wow pyndep ya ki kaam niam hapoh ka Raij ka Elaka kamtæ ymye u leh u pyndep ya kani ka Yadaw Rong Yadaw Niam.

ADVERTISEMENT

Heiyatoh wa kani ka chithi yong ka Seiñraij Mynso, da yoh u yaklam ha ki yalang wei neiliang u Dolloi ha ka yalang (Committee) Elaka kawa man khaddooh ha ka 25-07-2026 heipor 3:00 waje i sngi ha yung krehkaam yong oo, da ong u wa na ki daw ki wym yapoi cha i yaklam wa sñiawthooh wa ya kani ka Yadaw Rong u pyndam chwa.

Chooh chooh neiliang u Dolloi uwa man u khlieh ka niam khlieh ka Elaka da pyntip u wa da chim u ya kani ka rai deiwa pynchong yurim liang wanang yow lait u mih iwon iwon i pynbakla luti ya ka rukom dustur kamjooh ya ki khon ka Raij ka Elaka.

Related posts

Khana ka Hima Sutnga Youth Federation hakhmat ka Fact-Finding Committee yeiwa jia heipor wa pynman ya ka Public Hearing ka Shree Cement

October 16, 2026

Dadep yoh bor na ki dorbar chnong chwa wow sdang yei kreh ya ka Ropeway Project ha Shillong

October 16, 2026

“Hajrong ini i pynche paidbah lada em won ki khon ka Raij ka Elaka kiwa leh pyrchah næ pynman bait ki ya ka Yadaw Rong Yadaw Niam wow kam watoh da pynman katkam ka Dustur kamwa sñiaw chawah chaneiñ, kam u Dolloi ka Elaka ym em O i bahkhlieh ya itæ i thmu yong itæ i leh ngait i leh mon sñiawbha donhi i wym embynta iyi iyi leh wa Ka Niam Ka Rukom – Ka Dustur ka Riti,” da ong u K. Myrchiang, u Dolloi ka Elaka Mynso.