Heipor pyrdi sngi chah kawang Petrol Bomb ka yung krehkaam ka MSPCB | Neidaw ka Shree Cement?

Ka yung krehkaam ka Meghalaya State Pollution Control Board (MSPCB) ynne ka sngi da chah kawang ko hadooh 2 tylli ki Petrol Bomb wei itæ heipor sngi hawa kiwa kreh dang em ki hapoh.

Katkam wa khana u Dr. George Hagi Chyrmang uwa man u Member Secretary ka Meghalaya State Pollution Control Board (MSPCB), ini da jia i heipor 12 waje hadooh 12:30 pyrdi sngi heiwa da em ar ngut ki bru kiwa da tymmoh yei dur khmat kiwa da wan yow kawang Petrol Bomb.

Hadien ini i chah hiar thma, neiliang ki bor ka MSPCB da pyntip ki cha ki pulit ka Laitumkhrah Police Station kiwa dapoi smat cha kani ka thaw wei da pynlum pynlang ki ya ki sabut deiwa emlang ki bru ka chnat Forensic Crime Scene Unit.

Related posts

E NOC ka NEHU ya u kyrtong ka NPP wa VPP wow yaleh Election MP ki

August 3, 2026

E por ka KSU ya u Conrad 15 sngi yow pyndam ya ka Public Hearing ka Shree Cement | Dawa beh kreh ya u DC wa SP

August 3, 2026

Da pyntip u wa katkam wa yoo ki bru wa sah marjan, kini ki bru da wan ki da ka Scooty wei da psiah ki ha pchem ka MSPCB wei mar ya dep kawang Petrol Bomb da yut ki wut na kani ka thaw.

Hawa kylli wa lada kani ka chah hiar thma ye ko wow emyatoh wa ka Public Hearing yong ka Shree Cement Pvt. Ltd. kawa dang dep pynman, neiliang u Member Secretary da ong u wa ya itæ ym ye wow ong neibhah ka takit dang lai ko.