Da wai ya ka 7 Heven Mini Mart wa em ha New Hill, Jowai wa ye phi u yoh ki mar wa boonjait

Ka dukan thymme kawa tip kam ka 7 Heven Mini Mart kawa em ha Loomsooiung New Hill, Jowai harood sarok kawa ye u yoh ya ki mar baam wa boonjait kamjooh ki tiar wa pynemkaam man-ka-sngi nadooh yong khonboo wa waheh, da wai paidbah ya ka ha ka 6 tarik uni u bnai ha ka yalang tbian wa pynlai da ka Dahunmon M Hadem hei emlang u Fr. Augustine Lamin, Parish Priest Jowai Parish, ki Sister ka St. Mary Mazzarello Girls’ Higher Secondary School, Jowai, ki dkhot ka Balang Catholic, kiwa ha-yung ha-sem wa ki lok ki jor u tre dukan, u Marjanki F Hadem najrong kiwa chah khut sñiawbha.

U Marjanki kam u tre hawa klam khana u wa i poi thmu yong oo wow sdang kam kani ka dukan toh wa yoo u heipor Covid ki mar baam wa ki dawai man ki kiwa da emkaam bait ki bru, iwa ar won toh wa em haroh u ka Training Institute heiyatoh wa ka Retail Course iwa emkaam wow booh haroh kam kani ka jait dukan.

Da pynche haroh u wa kiwa pyndep ya ka Training Retail ye ki u kreh ha ki Retail Brand deiwa e nongmuna kam ha ka Vishal, Family Mart, Vmart wa kiwi, kamtæ deiwa em kani ka dukan ong u ya kiwa pyndep Training wa ye ki wow booh pynlai Internship ya ki pyn heini hi.

Khana haroh u wa ya kani ka dukan da sdang wei pynchna pynleh deiwa rap biang katkam ka juk stat thymme lyngba ki Software ki System wa rap phær, khnang wa kiwa na baar leh u yoo ki wa ka thaaiñ yong i leh ym em de sahdien ko. Sa iwi leh ong u yow pynsuk ya kiwa wan uiñke suwari u yoh ki ya ki mar baam.

Related posts

Sdang ka Jowai Trade Fair 2026 ha Madan Wahriong Mihmyntdu kawa em ki mar wa harukom

May 10, 2026

Wai ka Krangshuri Homestay sa ka Restaurant

April 23, 2026

Kamte sñiawkmen u wa ynne ka sngi iwa mut wa mang u da man kaam ki deiwa yoh kyrchaan na kiwa boon, wei ngait skem u leh kat nang lai ki por yooluti u nang ye chooh chooh wow pyndap pynbiang yei emkaam ki paidbah.

Ya kani ka dukan da duwai wei kyrkhu kyrdoh da u Fr. Augustine Lamin yow man ka dukan wa hoi yaaw, kawa ye u pyndap pynbiang yeiwa emkaam ki paidbah, weiwa u Blai leh u nang theh chooh u i kyrkhu ha ki liang waroh ya ka yung ka sem kiwa mantre.

Ha kani ka dukan ye u yoh nadooh ki Biscuit, dai, chini, slacha, ki kynja umsoh, Ice Cream, dud wa kiwi kynthup leh i phñiang, sabon, dawai biah khmat, kti wa kjat.

Neitæ ki jait baam yong khonboo kamjooh ki dawai biah, ki Powder, ki Pampers, ki Huggies wa kiwi kiwi.