Ka Anti-Narcotics Task Force (ANTF), Meghalaya deiwa ya krehlang wa ki pulit ka West Jaiñtia Hills Police da yoh ki wow kem yei Heroin wa khia 48.78 grams iwa chongdor kamwa ₹7 lak.
Yeini i Heroin da yoh wow kem ynne hadien wa tip tikna wa em ar ngut kiwa wan na Silchar yow lai cha Shillong, kamtæ da pynsangeh kari ha u sarok NH-06 ha ka thaaiñ Phramer wei heipor kamwa 8:00 waje i step dapoi kawi ka Bus ka Network Travel wa em Number ML-05-T-8381 kawa da ksoh yow pynman yei kynreh.
Napoh ka Bus da kem ya u Robert Nongrum (33 snem), uwa na Umktait, Nongmynsong, Shillong wa u Batskhemlang Jarain (32 snem), uwa na Umktait Block-III, Shillong.
Na kini da chem ar tylli ki khieh sabon wa da murieh hapoh Jacket ki wei hawa Test da pyntikna toh i Heroin wei manda thaw khia ya kini ki ar tylli ki yusong da chem toh kiwa khia 48.78 grams.
Ka takit dang lai ko chakhmat yow chemdien ya kiwi de kiwa emkti ha ini i kaam.
Discussion about this post