I metyap wa tip kam i “Green Boots” iwa da neh la 30 snem ha Mt. Everest u pyrchang wanrah biang ki cha India  

Hadien kamwa lephaw snem wa neh i metyap ha u loom wa jrong tam ha pyrthai, u Mt. Everest, daw pyrchang u sai ya i metyap na uni u loom. 

Khlieh u snem manda ku ki bru ya u Mt. Everest daw hap lai luti ki na i thaw wa em i metyap wa tip kam i “Green Boots” – neidaw wa ini i metyap toh yong u bru wa sap ya ki but rong yirngam.

Ki bor sorkar ka India da ngait ki wa ini i metyap wa neh ha uni u loom toh i yong u chipai.

Ka India katni dang pyrchang ko wow thooh ya ki bru wow ye u wanrah biang ya ini i metyap cha ka ri wei ini i metyap da suba toh i yong u Dorje Morup uwa da pyrchang ku ya u Mt. Everest ha u snem 1996.

U Morup (48 snem) toh uwa kreh kam u Lance Naik wa ka Indo-Tibetan Border Police kawa man ka chipai pulit wa yada ya u pood ka India wa ka China.

Related posts

Pyndep ki 38 ngut ki chynrang wa kynthai ya ka chah sikai man Security Guard

August 8, 2026

U sdang sa ka Spoken English-Afternoon Batch ha EduCareerPoint Skills Training & Career Counselling, Jowai

August 8, 2026

U Morup toh uwa na Ladakh wei heipor wa pyrchang ku ya uni u loom da em ki 6 ngut ki chipai ka ITBP kiwa da pyrchang ku na liang China kawa man ka luti kawa rap jwat rap khor bar ya ka luti na liang Nepal.

Katwa dang ku ya uni u loom ki 6 ngut da maad ki ya ka yor wa joor wei chiteiñ da dong noh ki katwa u Morup wa ki ar ngut wa kynthup ya u Tsewang Smanla wa Tsewang Paljor da ku bait ki ya u loom hawa poi ha khlieh yong oo hajrong 8,849 metre.

Katwa dang pyrchang ki wow hiar da haap biang ka yor wei waroh le ngut da yap ki heiwa ya ki ar ngut hadooh katni ym chem de ya ki. 

Ha kiwa boon ki snem ya i metyap “Green Boots” da suba wa toh i metyap u Tsewang Paljor tangwa nei khana ki le ngut wa dong da suba noh wa toh i metyap u Morup. 

Ini i metyap em i ha i bynta u loom wa tip kam i “Death Zone” heiwa i dait-thah poi i cha ka -40°C wei ka Oxygen man kawa duna bha.

U Guide wa tip kam u Pemba Ongchu Sherpa da ong u wa i lai thooh ya ini i metyap daw emkaam kamwa 10-12 ngut ki bru.

I thooh ya i metyap daw kynjoh i lut chadooh ka $40,000 – $80,000 (Rs. 38 lak – Rs 76 lak) wei ka ITBP da pynkhreh ko wow su ya kani ka poisa wow wanrah biang ya i metyap u Morup cha India chisien wa pyndep ya ka DNA Test wow pyntikna sakhiat wa toh i metyap u Morup chwa wow e kti cha ka yung ka sem.