U Chief Minister ka jylla, u Conrad K Sangma, ynne da chimbynta u ha ka Ascent 2026, kawa man ka Seminar yow pyndap pynbiang yow jop kiwa yaleh ya ki Competitive Exam kam ka UPSC deilang ki State wa ki National Competitive Exam.
Ha kani ka sngi da saam leh ya ki CM-Aspire Cheques ha ka yalang wa pynman ha MATI Campus, Mawdiangdiang, Shillong deiwa sakhi u Director General, MATI, u Cyril Diengdoh wa u Director ka MATI, u Swapnil Tembe.
U Conrad hawa e yei klam da ong u wa kani man ko u moomær wa emkaam bha neibhah man ko kam wow kdaw luti ya kitu kiwa jop ya ka UPSC wa kiwi de ki Exam deiwa pynrap wym toh wym em ki yong i yei sap tangwa nachwa ym em ki wow chdooh wei yahluti ya ki.
Hapoh kani ka CM-Aspire daw e kyrchaan ya kiwa yaleh UPSC deiwa em ki Training, kiwa pynyooluti kamjooh daw e kyrchaan leh da ka poisa.
Ha kani ka sngi da saam ya ka CM-Aspire Cheque cha ki 7 ngut kiwa da u pyndep ya ka UPSC Civil Services Preliminary Examinations deiwa e cha ki ya ka Cheque wa mar Rs. 50,000 samen.
Ha kani ka sngi, u Chief Minister da wai u leh ya ka Digital Learning Lab ka Meghalaya Administrative Training Institute.
Discussion about this post