Ka seiñ Hynniewtrep National Youth Movement (HNYM), ynne ka sngi da yoh ko wow pynpsiah dkhot wei wow pynskem leh ya ki kattu katni ngut ki khon khynroo cha ka HNYM Jaiñtia Region.
Ya ka yalang ha kani ka sngi da pynlai da u Mechan Dkhar uwa man leh u Secretary ka HNYM Jaiñtia Region.
U Louis Dohtdong, President Rangbah ka HNYM hawa klam ha kani ka sngi da ong u wa ka kaamram yong ki kam ki seiñbhalang toh wow yada ya ka ri wa ya ka jaitbru. Chooh chooh da ong u kam ki khon khynroo kiwa kreh monsñiawbha daw tyngkhooh ki chiboon i eh, daw em leh ki por kam kiwa kreh monsñiawbha ha ka imlang sahlang daw maad ya ki moochynthut wei daw em leh i por wa daw chah kem ki ha ki bor sorkar tangwa kam ki khon khynroo wym toh u randien ki. Emkaam wow man ki kiwa yaichah, kiwa chlur, kiwa toor chaphrang kam ki shipai wow yada ya ka ri wa ya ka jaitbru.
Kiwi won kiwa klam ha kani ka sngi kynthup ki ya u Tbn MM Suchiang, u Donald Syiemlieh, Working President Central Body, u Shining Lyngkot, u Wankishwa Mawlong wa u Bartis Pajuh, President ka HNYM Jaiñtia Region.
Ki khon khynroo kiwa pynpsiah dkhot thymme cha ka HNYM Jaiñtia Region toh:
U Wankishwa Mawlong, u Marcel Ramut, u Fredy Lamin, u Filda Sukhlain, u Defender Patwet, u Damiyoo Sayoo, u Nichwa Pyrtuh, u Ynruki Sukhlain, u Johnyshwa Rupon wa u Karbarmi Suiam.
Ya kini ki dkhot wa thymme da pynbaam smai wei da pynskem da u Louis Dohtdong, President Rangbah ka Hynniewtrep National Youth Movement (HNYM).
Discussion about this post