2nd Division EJHDFA: Jop ka Iapmala, ka Tuber Kmaichnong wa ka Moolamanoh

Ka 2nd Division 2026 ka East Jaintia Hills District Football Association (EJHDFA) dapoi ko cha ka sngi wa le ynne deiwa pynman le tylli ki yalehke.

Ha ka yalehke wa nyngkong, ka Lumchyrmit SC da rem ko da 2-1 ha ka Iapmala United SC. Ya ka Lumchyrmit da thap da u Bikel Khaii ha ka minit wa 56 katwa ya ka Iapmala da thap da u Justmeki Swer ha ka minit wa 33 wa 67.

Related posts

Rai pynrem ka EJHDFA ya ka Wahiajer Narpuh wa klem bood ko ya ki kyndon yalehke ka Super Division

September 28, 2026

Sdang ka Super League 2026 ka Saipung Block Sports Association

September 27, 2026

Ha ka yalehke wa ar, ka Tuber Kmaichnong SCSC da jop ko da 3-2 ya ka Kairang CSC. Ya ka Tuber Kmaichnong da thap da u Wansalan Kyndait ha ka minit wa 19 wa 59 wa u Samewanki Ryngkhlem ha ka minit wa 25 katwa ya ka Kairang da thap da u Kampher Rymbai ha ka minit wa 35 wa u Sambhalang Mawthoh ha ka minit wa 60 (P).

Ha ka yalehke wa le, ka Moolamanoh SC da jop ko da 4-3 ya ka Pamrakmai SCSC. Ya ka Moolamanoh da thap da u Kenny Sintus Dkhar ha ka minit wa 24, u Eriston Dkhar ha ka minit wa 37, u Ambition Dkhar ha ka minit wa 45 wa u Edelbert Khaii ha ka minit wa 65 katwa ya ka Pamrakmai da thap da u Junely Siangshai ha ka minit wa 4, u Wandame Laloo ha ka minit wa 17 wa u Bideon Suchiang ha ka minit wa 47.