Hap mih noh u Acting Syiem hadien wa chah maham ha ka High Court | Chimkti biang u Ainam Manik kam u Syiem ka Hima Mylliem

U Acting Syiem ka Hima Mylliem, u Alban Frederick Syiem da hap u wow mih noh na ka yung krehkaam ka Hima Mylliem hadien wa da chah ujor tyngkheiñ ya ka hukum ka High Court yong ka Meghalaya.

Hadien wa mih u napoh ka yung krehkaam, u Ainam Manik Syiem da chimkti biang u yei synchaar, wei da khana u wa neiliang u Acting Syiem leh da e kti noh u deiwa suk ya ka yung krehkaam khlem da yang de ya ka hukum wa daw pynmih ka Khasi Hills Autonomous District Council.

U Syiem Ainam da khana u wa hadien wa da jop u ya ka mukotduma ha ka 11 tarik uni u bnai, da lai chimkti biang yow pynlai ya ka Hima Mylliem, tangwa nadooh katai ka sngi ym em yohlaad u wow psiah hapoh ka yung krehkaam neidaw wym mih u Acting Syiem deiwa ong wa ym pu yoh hukum na ka KHADC.

Related posts

Da khut ya ki paidbah wow wan cha ka Lok Bhavan Shillong yow sakhi ya ki chaad ki rwai tynre na kylleiñ ka ri

August 13, 2026

Em iwi i metyap wa chem na krem mooyong wym em wa tipmit iwi won yong ka kynthai

August 13, 2026

Hajrong ini wym yoh kreh napoh ka kamra krehkaam, u Ainam Syiem da khana u wa da ujor biang cha ka High Court kawa da phah ya u Acting Syiem wow e kti noh ya ka chuki lym kamtæ daw leh dei kaam katkam ki kyndon hawa tyngkheiñ ya ka hukum ka High Court.

Hawa kylli hajrong i yachem wa u EM Elaka ha KHADC ynne ka sngi, u Syiem Ainam da ong u wa i lai yachem toh yow pynche wa daw em ka ya krehlang hapyrdi ka District Council wa ka Hima.