Ka 80th Independence Day ka ri India da lehkmen ka deiwa chongchit mynsien wei deiwa phooh wa phieñ ha East Jaintia Hills District ha madan ka Holy Family Parish, Khliehriat deiwa sakhi ki heh ki haaiñ, ki khynnah skur wa kiwa chong chnong.
Ya kani ka lehkmen sngi laitlooid ka ri da wan wow sakhi da u Montri sorkar, u Wailadmiki Sylla uwa da pynhær leh ya ka lama le rong ka ri wei da chim u leh ya ka Rashtriya Salute neibynta ki 36 tylli ki dhab wa chimbynta ha ka March Past wa kynthup ya ki Meghalaya Police, ki NCC Cadets, ki Scouts & Guides wa ki khynnah skur.
Kam chibynta wow pynchlur wei e mynsien ya kiwa da kreh chitom, kiwa da pynyoo yei kaam ha ka iGot Karmayogi Platform, neiliang ka yung krehkaam u DC da e ko da ka Award cha ka Junior Rural Development Officer, Wapung C&RD Block, ka Nisaka Dkhar, District Programme Assistant, Swatch Bharat Mission (SBM), ka Britney Langstang wa soo ngut kiwa kreh ka Office u Deputy Commissioner, East Jaintia Hills District wa kynthup ya u Juhhi Nonghuloo, u Johnyson Enty Shadap, u Yoolangki Rymbai wa u Immonme Sutnga.
Da pynkup burom leh ya kitu kiwa kreh hei kaam sumaar sukhær. Da e leh ya ka Good Samaritan and Humanitarian Award cha ka Jiny Sukhlain kawa na ka chnong Daistong kam wow tipmit yei bha wei sbun mynsien ko.
Ha ka March Past da yoh nyngkong ka Little Star Secondary School, Ladrymbai, hei wa ar ka Jawahar Novodaya Vidyalaya (JNV), Rymbai (Girls) wei hei wa le ka Oxford Secondary School, Ladrymbai (Girls).
Ha ka yakob chaad yakob rwai, ka Little Flower Secondary School, Khliehriat da yoh nyngkong ko, ka Sacred Heart Secondary School, Byndihati da yoh wa ar ko katwa ka Holy Trinity Secondary School, Sutnga da yoh wa le ko.
Hei janmiet won da lai saam da ki baam wa kiwi de ki e sñiaw cha ki Shelter Home wa em ha kylleiñ ka District.
Discussion about this post