Ki chipai ka Indian Army da wiar ki nei wan syndet ka umsoo (Flashflood) ha ka Army Camp ha Dibang Valley, Arunachal Pradesh ha i janmiet ka 14 tarik uni u bnai wei ini da jia i ha Pasu Pani, kamwa 25 Km na Mipi Circle hadien wa chlai syndet ka wah.
Ini da jia i heipor kamwa 4:30 i janmiet, heiwa da chah ktah ka Pasu Pani Army Camp yong ka 5th Grenadiers.
U Superintendent of Police, u Pankaj Kumar da ong u wa 7 ngut ki chipai Indian Army wa chah rah ha ka umsoo wei da ye u pynlait ya 2 ngut, katwa 5 ngut dang wiar ki wei ya kini da tip kam u Havaldar Upendar, Kundan, Vinod, Aditya wa u Samunda.
Neiliang ka State Response Force (SDRF), ka National Disaster Response Force (NDRF), ka District Disaster Management and Response Organisation (DDMO) da sdang ki wow thooh ya kiwa wiar.
Da em leh ki chipai na ka 5th Grenadiers, ka 58th Battalion ka Indo-Tibetan Border Police (ITBP), ka 62 RCC ka General Reserve Engineer Force (GREF), ki Arunachal Pradesh Police wa kiwi da thooh ya kiwa wiar.
Discussion about this post