Kamwa ka India lehkmen ko ya ka Independence Day wa 80 ynne ka sngi, ki Cosmonaut ka Russia da e khublei ki ya ka ri napoh ka International Space Station (ISS) wa em ha haw-haw deiwa ksoh leh ya ka lama le rong ka ri.
Kini ki Cosmonaut kynthup ki ya u Pyotr Dubrov, ka Anna Kikina wa u Andrey Fedyaev.
Da kynmoo ki leh yei yajan ka India wa ka Russia kamjooh i krehlang ki ar ri heiyatoh wa ka haw-haw.
Da pynkynmoo ki leh wa u 2026 man ko i dap 65 snem wa hær nyngkong u Cosmonaut ka Soviet Union, u Yuri Gagarin cha haw-haw.
Ka Cosmonaut Kikina Anna da kynmoo ko leh yei wan u Gagarin cha India ha u November 1961.
Da ong ko leh wa i maya ki ar ri man iwa da rim khamtam i kreh neibynta ka haw-haw nadooh wa pynhær nyngkong ka India ya u Satellite, u Aryabhata ha u 1975, kamjooh i hær nyngkong u Cosmonaut na India cha haw-haw, u Rakesh Sharma ha u 1984.
Discussion about this post