Da u: Dr. Joram Beda, IAS, Commissioner of Food Safety,Health and Family Welfare, Meghalaya
Ka Commissionerate of Food Safety, Meghalaya, angnood ko wow yada yei chait i khiah yong ki paidbah deiwa pyntikna wa waroh kiwa chong chnong u yoh ki yei baam wa chngaaiñ, iwa tei yei doh i pran, wow yada nei yakhleh taklen (Cross-Contamination) ha i rukom saam kamjooh hawa dai ya ki jait doh (masi, sniang, syiar, dakha wa kiwi kiwi).
Ki sabut wa da chem wa da pyntikna da ka Science pynyoo ki yei kylla ka suiñbneiñ iwa jia nei ku i chit ka haw-haw ka pyrthai. Manda ku i chit pynman ko ya ka mariang kawa biang ya ki khñiang kjut wa pynmih kjut hei baam (Foodborne Pathogens) wow kha roi smat ki. Ini i kylla pynku ko yei maa ha ki jait doh wow sih smat nei joor poor ki khñiang kjut kiwa ye u yabi na ki mrad cha u bru (Zoonotic Diseases).
I pynemkaam da u jooh u dieñ cheiñdoh næ ka Chopping Board neibynta boon ki jait ki doh wa boon, pynmih ko yei poor ki khñiang kjut waphær waphær deiwa yabi ki khñiang na iwi i doh cha iwi iwa booh hei maa ya ki paidbah wa baam.
Hapoh ka Schedule 4, Part IV wa Section 4.1.5 yong ka Food Safety & Standards (Licensing & Registration of Food Businesses) Regulations, 2011, da ong wa waroh ki tiar ki tar, ki bynta kiwa yabi wa tba yei baam toh u wan ki na ki mar ki ym jhieh, ki wym sngem næ sah sarang (Non-corrosive), wei toh u sumaar bha khnang wow lait nei maa waphær waphær (Contamination).
I wym lehkhooid, i booh taroi ya ki tiar kam ki dieñ cheiñdoh, ka tari, ka wait ahdoh pynman ko iwa pyndooh yei chañiah ki paidbah, wei kiwa dai kamjooh da leh chukor ki deiwa pyndooh yei hok kiwa baam wow jied yei baam katkam wa ngait wa kwah ki.
Nga u Dr. Joram Beda, IAS, Commissioner of Food Safety,Health and Family Welfare, Meghalaya, deiwa pynemkaam ya ka bor wa ka aiñ wa da pynkham hapoh ka Section 30 yong ka Food Safety & Standards Act, 2006, hukum O ya waroh kiwa dai doh (masi, sniang, syiar, dakha wa kiwi kiwi) wow pynkrehkaam ya kini ki kyndon ha wah:
- I rong wa emkaam u bood (Colour Coding) u dieñ cheiñdoh/Chopping Board man ko kamni :
| Jait Doh | Rong u dieñ cheiñdoh/Chopping Board | Tari wa da booh kyrpang |
| Doh Masi (Beef) | Rong Soo/Umsoh | Tari wa booh Sticker rong soo |
| Doh Blang (Mutton) | Rong Stem | Tari wa booh Sticker rong stem |
| Doh Syiar (Chicken) | Rong suiñ bneiñ | Tari wa booh Sticker rong suñ bneiñ |
| Doh Sniang (Pork) | Rong Lieh | Tari wa booh Sticker rong lieh |
| Dakha (Fish) | Rong Dieñ (Natural Wood) | Tari wa booh Sticker rong Violet |
2. I rukom sumaar wei pynkhooid (Technical and Sanitization Standards)
Iwi pa iwi i rong (Colour-Code) ki dieñ cheiñdoh/Chopping Board wa ka tari toh u pynemkaam du neibynta i jait doh wa da booh. Ini pynman ko wow yada nei poor ki khñiang kjut (Pathogens) na iwi i jait doh cha iwi tawon.
Ki dieñ cheiñdoh/Chopping Board toh u man ki kiwa biang katkam i rukom man i baam (Food-Grade), ki wym em sngem næ chong um, ki wym em thlu næ kiwa kaad wa piah (Non-Porous) yow lait ki wow man kam ki thaw sah ki khñiang kjut.
Da chem wa i pynemkaam ya ki tari nar (Aluminium) da booh ko hei maa yei chait i khiah ki paidbah ymtoh kam ki tiar yongrim kiwa da chna bha chna kyrpang. Boon ki tari Aluminium wa katni smat ki u sap-sarang (Oxidation) iwa ye u pyntngit yei baam deiwa em ki khñiang kjut. Na itæ i daw da khut wow pynemkaam da ki tari Stainless Steel.
Waroh ki tari/wait ahdoh toh u sait bha dei sabon næ da ka um wa chit (82 Degree Celsius) khnang wow pynyap ya ki khñiang kjut.
Waroh ki dieñ cheiñdoh/Chopping Board toh u booh hei blooh chi-miet (Overnight Salt Treatment) neidaw wa ini yarap ko wow khanglaad yei roi ki khñiang kjut wa boon jait.
I bood ryntih yeini wa da hikai wanrah ko yei emkaam katkam wa chem da ka Science wow yada yei chait i khiah wei man ko leh i hok ki paidbah.
U lane kawon kawon wa chem wa pynemkaam bakla ya ki tiar neibynta ki jait doh waphær waphær, kiwa pynemkaam da ki tari/wait kiwa sap sarang (Rusted) ki wym toh katkam ka kyndon (Non-Standard Knives), u kheiñ toh wa da tyngkheiñ ki ya ki kyndon, Sanitary and Hygienic Practices hapoh Schedule 4 yong ka Food Safety & Standards Act, 2006 wa ka Food Safety & Standards (Licensing & Registration of Food Businesses) Regulations, neidaw wa ini i leh man i kam i leh chukor iwa pyndooh yei chaniah kiwa wan thied.
Lada ym bood ya ini wa da hikai daw chah pynchitom katkam ki kyndon yong ka Food Safety & Standards Act, 2006.
Discussion about this post