Ka Meghalaya Commissionerate of Food Safety da chah biang ko wow dai ya i STING Energy Drink, hadien wa i takit da chem wa ym em yatoh i dih yeini i umsoh wa i yap u khynnah.
Ya kani ka hukum da pynmih ha ka 15 tarik uni u bnai da u Commissioner of Food Safety, Meghalaya.
Ya ka hukum wow khang u dai ya ini i umsoh da pynmih ha ka 14 tarik kam ka laad wow syndong hadien wa mih khubor wa yap u khynnah nei dih ya i STING wei da phah wow Test ya ini ha ki Laboratory yow chem lada man iwa hoi wow dih ki bru.
U Food Safety Officer da pynman u ya ka takit wei da e u ya ka bui (Report) pyn ha ka 14 tarik heiwa ym em chem wa yatoh nei dih yei STING Energy Drink tæ poi chei yap.
Kamtæ da rai wow pyndam noh ya ka hukum wa pynmih ha ka 14 tarik wa khang wow dai ya ini i umsoh ha kylleiñ ka jylla.
U Food Safety Commissioner da phah u leh ya ki dukan ha ka jylla wow bood hi ya ki kyndon ka Food Safety and Standards Act, 2006, kamjooh ya ki hukum wa pynmih neipor cheipor.
Discussion about this post