Ki jylla ym ye ki wow kah ya ki luti wa lai ki hati hanla chah ktah u bru hadooh ki thaw rep: SC

Ka Supreme Court ha ka 17 tarik uni u bnai da phah ko ya ka Ministry of Environment, Forests and Climate Change (MoEFCC) wow pait lada em ki jylla wa kah ya ki luti wa lai ki hati. 

Hawa bichaar yeini, ka miej bichaar wa khlieh da u Chief Justice of India, u Surya Kant chirup u Justice Joymalya Bagchi wa u Justice V. Mohana da ban joor ki wa ki sorkar jylla ymye ki wow khang ya kini ki luti wa jooh lai ki hati.

U Chief Justice da ong u wa ki hati langær lai ki na ka luti wa myllien ki wow lai nadooh nachwa (Elephant Corridor) wei ym ye wow e daw wa chah ktah ki mar rep lym kah ya kini ki luti lane chah ktah ki bru.

Hawa phah wow kyrriah ya iwa kah ya ki luti, ka Supreme Court da khang ko leh wow beh ya ki hati deiwa pynemkaam ya ki bomkala, dongmusa wa kiwi ki laad wa maa.

Related posts

Wan mih ki khynroo khyllood cha ka Recruitment Drive ha Khliehriat | Hadooh Rs. 2.75 lak chi bnai ka ka tulop ya kiwa yoh kreh cha baar ri

August 18, 2026

Khang ki khynnah kynthai da u sarok neidaw wym em biang ka skur ki

August 18, 2026

Chooh chooh da phah leh ya ki sorkar jylla wow yada ya ki mrad nei maa deiwa pynrap wa ka MoEFCC hap ko wow bood ya ki kyndon wa da booh yow pyntikna wa lai luti ki hati deiwa suk.

Da e por leh ya ka Ministry 6 tayaaw wow e ya ka bui (Report) thymme heiyatoh wa ini.