Ka Recruitment Drive kawa da pynman ha waroh kawi ka jylla da ka Meghalaya State Skill Development Society (MSSDS) deiwa ya krehlang wa ka Directorate of Employment & Craftsmen Training (DECT) wa kiwi de ki Company wa e kreh, da pynman ka ynne ha East Jaiñtia Hills District ha pchem ka yung krehkaam ka Industrial Training Institute (ITI), Khliehriat.
Neiliang u Deputy Commissioner ka East Jaiñtia Hills District, u Manish Kumar da ong u wa kani man ko ka kabu ksiar ya ki khon khynroo khyllood ka East Jaiñtia Hills District khamtam kitu kiwa thooh kreh hadien wa pyndep ya ka Class 10 wa Class 12.
Da pyntip u leh wa kani ka jooh daw pynman ha Saipung Block ha ka 19 tarik wa ha Lumshnong Block ha ka 21 tarik.
U Skill Development Officer ka East Jaiñtia Hills District, u Boimi Dkhar da pyntip u wa ka First Phase da pynman ha u bnai February uni u snem wei kawa kattæ toh ka Second Phase deiwa em 10,000 tylli ki kreh wa ye u yoh deiwa em 6000 tylli ki yung krehkaam wa emkaam bru.
Ki jait kreh wa lait toh ha ki kaam Hospitality, Manufacturing, Healthcare, Customer Support, Electrical, Electronics, Wellness, Construction wa kiwi heiwa kiwa boon ki kreh wa lait toh 1000 tylli yow man kam ki Sewing Machine Operators, 1,000 tylli neibynta ki Assembly Line Operators, 600 tylli yow man kam ki Customer Support Associates wa 100 tylli kam ki Care Assistant.
Kini ki kreh man ki neibynta kiwa pyndep Class 8, 10, 12 wa kiwa em ya ka ITI Diploma hadooh ki Graduates wa kiwa pyndep ya ki Professional Course.
Em na kiwa thooh bru wakreh u e ki leh wa ki thaw sah, i baam, bai lai, ka e sikai hawa kreh, ka PF, ESI Insurance wa kiwi de ki myntoi.
Em leh kiwa pynyoh kreh cha baar ri kam cha Germany, Japan, Australia, Poland, Oman, UAE, Mauritius, Singapore, Israel, USA, Hong Kong wa Vietnam. Kini ki jait kreh toh nadooh Nursing wa Healthcare, Hospitality, Automobile, Mechatronics, Construction, Driving, Electrical Work, Manufacturing wa kiwi de.
Hawa lai kreh cha baar ri daw sikai leh wow klam ktien German wa Japanese wei em leh kiwa hap yaleh IELTS lane ka PTE kawa man kam ka English Language Test. Da pyntip wa kiwa kreh kam ki Nurse ha Germany ye ki yoh ki hadooh Rs. 2.75 lak chi bnai ka tulop.
Discussion about this post