Ym ye wow bichaar ya ki Appeal ka KHADC wa u Acting Syiem pyrchah ya u Ainam Manik Syiem

Ka yaleh mukotduma heiyatoh wa ka Hima Mylliem da tyngkhooh ko sa uwi u moochynthut hadien wa ka High Court ka Meghalaya ym ye ko wow thung ya ka Division Bench yow bichaar ya ki soo tylli ki Appeal pyrchah yei thung biang ya u Ainam Manik Syiem kam u Syiem ka Hima Mylliem.

Kini ki Appeal toh ar tylli kiwa da yaleh da ka KHADC pyrchah ya u Mansan Manik Syeim (u diah u Ainam) wa kawi won pyrchah ya u Ainam Manik Syiem wei kiwi ki ar tylli won toh kiwa da yaleh da u Acting Syiem, u Alban Fredrick Syiem pyrchah ya kini hi ki ar ngut (u Mansan wa u Ainam).

Kini ki Appeal toh pyrchah ya ka hukum wa da pynmih ha ka 11 tarik uni u bnai da ka miej bichaar wa samen (Single Bench) u Justice W. Diengdoh uwa da pynyap ya ka hukum Suspend ka KHADC ya u Ainam Manik Syiem.

Hawa poi kini ki Appeal hakhmat ka Chief Justice, ka Revati Mohite Dere wa u Justice B. Bhattacharjee. Neiliang u Justice Bhattacharjee da ong wym ye u wow bichaar ya kini neibhah wa tipmit ya kiwa yaleh mukotduma wei nachwa jooh yasaaid u neibynta yong ki.

Related posts

Ngam ka Truck ha u sarok wa chah tih heipor wa pynman ya ka Public Hearing ka Shree Cement

August 18, 2026

Da e kti biang ya ka khet ka Hima Mylliem cha u Ainam Manik Syiem

August 18, 2026

U Justice H.S. Thangkhiew won ym bien u wow embynta yow lait u em i leh chiliang neibhah oo leh jooh em u ki mukotduma wa kini, kamtæ da phah ka cha u Justice W. Diengdoh uwa da chimkti ka.

U Justice W. Diengdoh ym ye u wow chong bichaar ya ki Appeal kawa yatoh pyn ya ka hukum wa pynmih u.

Ini mut i sah sa du ka Chief Justice wei yow chna ya ka Division Bench emkaam ym duna ya ar ngut ki Judge, kamtæ ym ye wow chong bichaar ya kini ki Appeal.

Ini ym em mut i wa da pyndam ya ka hukum wa da pynmih ha ka 11 tarik da u Justice W. Diengdoh wei kawi ka luti ya ka KHADC toh wow lai cha ka Supreme Court deiwa yaleh da ka Special Leave Petition.