Da e kti biang ya ka khet ka Hima Mylliem cha u Ainam Manik Syiem

I yaknieh ya ka khet u Syiem Hima Mylliem da kut chwa i ya kattæ ynne ka sngi heiwa u Paiem Ainam Manik Syiem da chim biang u ya ka chuki.

Yeini i e kti ya ka khet da leh ha yung krehkaam ka Hima Mylliem kawa em ha Mawkhar, Shillong deiwa emlang leh ki heh na ka Khasi Hills Autonomous District Council (KHADC) deilang u Acting Syiem, u Paiem Alban Fredrick Syiem chirup ki Montri wa ki heh ki haaiñ ka Hima Mylliem.

Kam wow pynkynmoo wa u Paiem Ainam da chah Suspend u kam u Syiem ha ka KHADC ha u Naisan uni u snem heiwa ka KHADC da thung ko da u Paiem Alban Fredrick Syiem kam u Acting Syiem. Tangwa ka Meghalaya High Court da pynyap ko ya ka hukum ka KHADC deiwa pynksan wa u Paiem Ainam kam u Syiem wa em hok u chong ha ka khet.

Hadien ini da mih i yaknieh khet wei i ya lai ujor cha ka High Court wei neiliang ka KHADC wa u Acting Syiem leh da booh ki da ki Appeal yow bichaar biang deiwi.

Related posts

Chah e FIR sa u Chairman ka Greentech deilang ki dkhot ka JAC

November 12, 2026

Mar Rs. 5 lak yoh yarap ki 48 ngut kiwa em ki dukan dai baam harood sarok

November 12, 2026

Ynne won hadien wa da pynmih kyntien da ka KHADC wow e kti ya ka khet, da ye u leh yeini khlem da ya kajia deiwa sakhi kiwa mihkhmat ka KHADC chirup ki Montri wa ki heh ki haaiñ ka Hima Mylliem.