Kawi ka khynnah kawa dang 5 snem da takha ko malu mala nei jia i tyrrah kari heipor wa dang lai ko cha skur, wei ini da jia i ha ka Khliehriat West ynne i step heipor kamwa 8:40.
Kini ki kari wa ya tyrrah toh kawi ka kari Bolero wa kawi ka Truck wa kit mar.
Neiliang ka seiñ JSU Khliehriat Circle da dawa joor ko na u DC ka East Jaiñtia Hills District wow booh da ka No Entry ya ki kari heh kam ki Truck wa kiwi de kiwa kit mar wa khia heipor wa dang lai skur ki khynnah nadooh 7:00 waje i step hadooh 9:30 wei neitæ nadooh 2:00 waje i sngi hadooh 3:30 heipor wa wai skur.
Ka seiñ da ong ko wa deiwa booh kini ki No Entry daw lait u jia iwon iwon wa sñiawsih wei daw pynman leh ya ka luti ka syngkieñ kawa kyllooid wei ki khynnah leh daw ye ki u poi cha skur heipor wa biang.
Neiliang u President ka JSU Khliehriat Circle, u Livingson Dkhar Sama da ong u wa ki pulit wa pait yei pynlai kari toh u chimkhia ki yeini wei ka seiñ leh ym chong kli kti ko.
Discussion about this post