U Symbood Montri Rangbah ka jylla, u Sniawbhalang Dhar hawa klam wa kiwa thoh khubor ha Khanapara, da ong u wa ka sorkar Meghalaya sñiawsih ko yeiwa jia ha ka 19 tarik wei daw kem wei pynchitom ko ya kiwa emkti wow thombor, heiwa da pyntip u leh wa hadooh 15 tylli ki FIR kiwa dadep wow Register.
Da pyntip u wa ki pulit da tipmit ki hadooh 5 ngut kiwa kah durkhmat napyrdi kiwa da pynkulmar wei wow lehpynsih wei tympiah tympra ya ki kari Assam ha ka 19 tarik.
Hawa jubab yeiwa kylli, u Sniawbhalang da pyntip u leh wa da thung da ka Special Investigation Team (SIT) yow tipmit ya kiwi de kiwa kah yei durkhmat wei kiwa emkti ha ki kaam thombor.
Heiyatoh wa i dawa ki seiñ kiwa yah kari kiwa na Assam kiwa pynman yakhih yow dawa wa ka sorkar Meghalaya hap ko wow su yei bai lutsan, u Sniawbhalang da ong u wa hajrong ini i dawa, ka yalang ynne da rai wow e kti ha u Chief Secretary wow bichaar yeiwa chah ktah ki wei yow su ya ka bait lutsan katkam ka aiñ, wei ya kitu kiwa mynsoo neiwa jia ha ka 19 tarik leh u su da ka sorkar ka bai lutsan.
Kani ka yalang wa da pynman ynne ka sngi toh ha Koinadhara State Guest House, Khanapara ka Assam heiwa neiliang ka Meghalaya da mihkhmat da u Sniawbhalang katwa ya ka Assam da mihkhmat da u Montri sorkar u Atul Bora deiwa emlang leh ki Chief Secretary ki ar jylla deilang ki heh sorkar wa ki pulit.
Discussion about this post