Hadien i yaklam ki ar ngut ki Montri ka sorkar jylla kitæ u Sniawbhalang Dhar na Meghalaya wa u Atul Bora na Assam, neiliang kiwa yakhih kiwa kynthup ya ka seiñ kiwa yah kari kamai, ynnne i janmiet da pynbna wa da rai wow sangeh noh chipor yei yakhih khang sarok wei pynsangeh kari wei yeini da pyntip da kiwa yakhmat ki seiñ kiwa na Assam.
Ini i rai wow pyndam chwa chipor yei yakhih da mih leh hadien wa u Montri ka sorkar Assam, u Atul Bora wa u Commissioner of Police ka Guwahati, u Partha Marathi Mahanta da lai ki wow yaklam wa kiwa yahkhmat kiwa yah kari kamai wa kiwi de ki seiñ kiwa na Assam yow pynsñiawthooh cha ki wa neilang ka sorkar Meghalaya smat ko u su ya ka bai lutsan ki kari wa kiwa mynsoo wei wow thung da ka SIT hajrong i kulmar wa da mih ha Shillong.
Da ini wa tuklar ki ar sorkar, neiliang kiwa yakhih ha Jorabat da pynsangeh noh ki chipor yei yakhih deiwa pynsñiaw wa lada ka sorkar Meghalaya ym leh ko iyi iyi daw sdang biang yei yakhih lada ym su katkam wa da kular.
Discussion about this post