Kattu katni ngut ki kynthai wa puræ Nursing na Northeast da kyrriah ya ki cha iwi i Hostel ha Kakinada, Andhra Pradesh ynnin ka sngi hadien wa chah thombor ki ha ki kynthai wa klam Telugu ha SK College of Nursing.
Ya ini i awri da ye u pynjaijai hadien wa wan ki bor District wa pulit wei hadien wa kyrriah ya ki cha iwi i Hostel wei da booh leh ya ka Sub-Inspector wow pynchngaaiñ ya ki.
I awri da sdang i nei wiar ka Mobile Phone heiwa da poi cha u pood i awri wa joor.
Ki kynthai na Northeast da pynbaad ki wa ki bor ka College da leh chiliang ki deiwa yachah wa ki tre chnong.
U Chief Minister warim ka Manipur, u N Biren Singh da klam u yeiwa jia wa u Chief Minister ka Andhra Pradesh, u N Chandrababu Naidu wow chimkhia yeiwa jia ya ki khynnah na Manipur.
U Kakinada District Collector wa u Superintendent of Police da phah ki ya ki sahep cha ini i thaw wow pyntikna wa chngaaiñ ki kynthai na Northeast.
Discussion about this post