U DC ka Ri-Bhoi da pynkrehkaam u da ka Section 163 ka BNSS, 2023 hadien wa da pyntip da u SP ka District deilang ki Executive Magistrates wa daw em kiwa pynthut yei lai i wan ki kari ha u NH-06 wa kiwi de ki sarok wa pynyabi ya ka Assam wa ka Meghalaya hanla neiliang kiwa yakhih na Assam da pyndam ki yei khang u lai u wan ki kari.
U DC da ong wa hadien ini da em ki seiñ kiwa kamai kari deilang kiwi de ki seiñ wa kynthup ya ka All Khasi Meghalaya Tourist Taxi Association wa daw pyrchang ki wow khang yei lai ki kari kiwa wan na Assam wa kiwi de ki thaaiñ wei deiwa leh kamni da man ko iwa daw pynthut yei lai i wan ki kari wa kit ya ki mar wa emkaam man-ka-sngi.
Deiwa khang yei lai i wan ki kari man ko leh pyrchah ya ka Article 19(1)(d) wa ka Article 301 ka Constitution ka ri India.
Kamtæ da pynmih hukum pyrchah ya kiwon kiwon kiwa pyrchang wow khang yei lai i wan kiwon kiwon ki jait kari hapoh ka Ri-Bhoi District kiwa wan na Assam lane na iwon iwon i bynta ka ri.
Da khang leh wow ya mih paidbah yow khang ya ki luti ki syngkieñ, i phah pynhiar ya ki bru napoh kari, u maham ya kiwa yah kari wa kiwi de kiwa man pyrchah aiñ.
Da khang leh ya kiwa pynchit wei kiwa pynpoor khubor thok ha Social Media ha kiwon kiwon ki rukom nadooh ki dur ki dar, ki sur, ki Video kamjooh ki Press Release yow pynchlur ya ki paidbah wow khang sarok lane wow su kylliang.
Ya kiwa leh pyrchah daw pynchitom katkam ka Section 223, 126, 127, 189, 190, 329(3) ka BNS, 2023 wei da e bor ya ki Police wa ki Executive Magistrate wow kem wei wow leh yeiwa emkaam yow khanglaad nei pynkulmar hapoh ka Section 121 wa 132 ka BNSS, 2023.
U chah pynchitom leh hapoh ka Section 8B ka National Highway Act, 1956.
Discussion about this post