20 snem phah kset ka yung bichaar ya uwa na West Jaiñtia uwa slaitbor ya ka khynnah wa dang 13 snem

Ha ka 18 tarik uni u bnai, ka yung bichaar ka P. Syngkon, Special Judge (POCSO), West Jaiñtia Hills District, Jowai da rai pynrem ko ya u Salwi Shadap heiyatoh wa i kaam slaitbor u ya kawi ka khynnah khian ha u snem 2022.

Ini toh iwa da jia ha ka 15-01-22 heipor kamwa 12:30 pyrdi sngi heiwa u Salwi uwa na chnong Ionglwit da psiah u cha i yung ka khynnah kawa dang 13 snem heipor wym em ka bei ko deiwa pynleh wow paan umdih.

Heipor wa psiah kani ka khynnah cha thaw sum, da khang u ya ka dwar yung wei da slaitbor u ka wei kani ka khynnah ym ye ko wow ykahun pyrchah.

Ka bei kani ka khynnah da tip ko yeini wa jia ha ka 26-01-22 hadien wa chem ko ya ka sula wa jæd kawa bi snaam.

Related posts

Kem ki pulit ya ki ar ngut kiwa yahkhmat paidbah wow dat ya ki 3 ngut kiwa suba kam kiwa tooh

August 24, 2026

Uwa dang chah kem u dkhot ka KSU toh uwi na kiwa kah durkhmat: SP

August 24, 2026

Ya ka Case da Register ha Nartiang Police Station Case No. 6(1)2022 hapoh ki kyndon 3(a)/4 ka aiñ POCSO Act wei yei takit kamjooh i Charge-Sheet da pyndep da ka WPSI I. Dkhar.

Hadien wa pyndep yei bichaar, ka yung bichaar da rai pynrem ko ya u Salwi Shadap deiwa phah kset oo 20 snem deilang ka kuna wa Rs.10,000 hapoh ki kyndon 3(a) wa 4(2) ka POCSO Act, 2019.