Ka seiñ Jaiñtia Revolutionary Council (JRC) da dawa ko na u Superintendent Engineer ka MePDCL Jowai Circle wow pynchna smat ya ki chrot bordiñ kiwa da pat ha ka chnong Lakadong kawa em marjan wa ka chnong Iooksi, West Jaiñtia Hills District kawa dang haap hapoh ka Priang Sub Station.
Ka seiñ da kyntu ko ya ka yung krehkaam ka MePDCL wow lai pait bniah leh ya ki chrot bordiñ kiwa da sih wei sap sarah yow lait u jia kam kini kiwa da pat.
Da ong leh wa toh u leh smat yeini khnang yow lait iwon iwon i jia wa sñiawsih manda pat ki chrot bordiñ deiwa toh cha ki bru wa ki yung ki sem, da ong ka kyrwoh na u Leoferdinand Suiam, President ka JRC Central Body.
Discussion about this post