U Chief Minister ka jylla, u Conrad K Sangma ynne da ong u wa i hiar dor u kubi chadooh Rs. 2 chi kilo iwa da pynman ya kiwa rep wow saam mynkna ya oo, da ku dor i cha ka Rs. 20-25 chi kg.
Ya kani ka mat da wanrah ha Assembly da u heh ka VPP uwa man leh u MLA ka Nongkrem u Ardent Miller Basaiawmoit.
Hawa pynrap yeiwa jubab u Minister ka chnat Agriculture, u Timothy D Shira, neiliang u Conrad da ong u wa i hiar dor ha u July toh iwa jia man-u-snem la 10 snem kattu wei ini toh nei wanrah ya u kubi na kiwi ki yaaw ki jylla ka Northeast kam na Guwahati wa kiwi.
Da ong u leh wa ymye u ong wa da hiar lut i kaam rep neibhah da boon ki thaw wa chah ktah nei chlai um wei katni i dor u man i Rs. 20-25 chi kilo.
Chwa ini u Timothy D Shira da ong u wa ka Department chimkhia ko yeini.
Discussion about this post