Kam chibynta ka Special Intensive Revision (SIR) ha Meghalaya, dadep phah 6,43,439 tylli ki Notice cha ki bru wa dang emkaam wow pyntikna yei pyrtuid yong ki hapoh ka Electoral Roll heiwa da em 4,78,217 ngut kiwa da yoh u pdiang ya kini ki Notice.
I chong bichaar namo ka Hearing yong kini dang ptieñ i ha kylleiñ ka jylla heiwa da pynman 62,343 tylli kini ki Hearing hadooh ka 25 tarik uni u bnai iwa man 9.69% na waroh wa toh u pyndep.
Neiliang u CEO ka Meghalaya da phah u ya ki ERO wa ki AERO wow leh yeini waroh deiwa bood ryntih thij ya ki kyndon deiwa e laad ya kiwa yoh Notice wow pynbiang ki ya ki kot ki sla yong ki.
Da pynche leh wa ki pyrtuid wa em ha ka Draft Electoral Roll ym pyndam ki khlem da pyndep ya ki Hearing deiwa man salonsar chwa wow chim yei rai.
U CEO da pyntip u leh wa em 2,22,786 ngut kiwa haap hapoh ka No Mapping Category ki wym chem yei pyrtuid ki ha ka SIR 2005 wa 4,28,858 ngut won kiwa em i bakla hei pyrtuid yong ki deilang ka bei u pa, ka tarik sngi kha, wym chem ya kiwa emyatoh ki wa kiwi de.
Ya kam kini da kyntu ya ki wow chimkhia ki ya ka Notice wa da yoh ki deiwa lai leh cha ka Hearing deiwa rah leh ya ki kot ki sla wa emkaam.
Lada ym em i pyrtuid hapoh ka Draft Electoral Roll dang ye wow leh deiwa pyndap ya ka Form 6.
I leh ya ka Claim & Objections u kut ko ha ka 4 tarik u September 2026, ka Notice Phase/Disposal of Claims & Objections u kut ko hadooh ka 3 tarik u October 2026 wei ya ka Final Electoral Roll u pynmih ha ka 7 tarik u October 2026.
Discussion about this post