Kam chibynta wow pynsuk ya kiwa boon, ka PhonePe ha ka 31 tarik u August da sdang ko ya ka ‘PhonePe UPI 123Pay’ Service heiwa u chah ya ki bru wa em da ki Keypad Phone wow su poisa lyngba ka UPI Payment khlem Internet Connection.
Deini, ka PhonePe da man ko kawa nyngkong wow sdang ya ini iwa ye u kynjoh leh cha ki 20 klur ngut wa dang pynemkaam ya kini ki Phone ha kylleiñ ka ri.
Ini daw pynsuk bha i ya ki bru cha palatsor wa em ka 2G Network heiwa daw suk bha ki wow phah poisa.
Heiyatoh wa ini ka PhonePe da soi soskular ko wa ki Company chna Mobile kam ka Nokia, HMD, Lava International wa Itel Mobile (Transsion Holdings) wow yarap pynsuk ya ki bru heiwa manda thied ki bru ya kini ki Phone daw em chwa kani ka App ka PhonePe kamjooh ka AI-Based Voice Helpline kawa klam ha ki 12 ktien ka ri India.
I rukum su toh lyngba ka SMS iwa mut wa lada em du ka 2G Network leh krehkaam bait deiwa su bait ha ki Mobile Number lane ha ki UPI ID.
Najrong i su, ye leh wow pait ya ka Balance, ka Bank Account wei iyi wa da pynlut.
Discussion about this post