Ka Committee wa thung ka sorkar Mizoram da ong ko wa kiwon kiwon kiwa kwah biang wow bia hapoh ka jyll hadien wa da yalait kurim toh u em ki ya ka Divorce Certificate wa e da ka yung bichaar (Court).
Kani ka Review Committee wa da thung wow pait ya ka Mizo Marriage and Inheritance of Property Act da ong ko wa u lane ka bru wa kwah u bia biang toh u pynbiang pynsakhiat ki ya kini ki kot. Ya kani ka Committee, da man Chairman da u Law and Judicial Department Additional Secretary, u Zahmingthanga Ralte.
Da maham wa khlem ka Divorce Certificate ye i wow wanrah yei chah kset iwa 7 hadooh 10 snem.
Ka Committee da ong ko wa ki ye ki wow yaleh kot hapoh u pood ka chnong wa chong ki wei kiwon kiwon kiwa kwah biang wow bia emkaam u pyntikna wa da yalait khooid ki wa ki kurim chwa ki.
Ki Yungmane da kyrpaad ki leh wow pynkylla ya ki kyntien wa em ha ka Marriage Certificate u man ki katkam ka Mizo Marriage and Inheritance of Property Act, 2014.
Ki sahep sorkar, ki heh Balang, ki seiñbhalang, ka Mizoram State Commission for Women, ka Mizoram University wa kiwi da chong pyrkhat ki yeini waroh wa ka Committee.
Discussion about this post