Sa ha Crime Branch lai booh FIR ka KSU-EJH pyrchah ya u DC wa SP wa ki heh ka MSPCB

Ka Khasi Students’ Union (KSU) ynne da pynbaad ko wa leh chiliang ki pulit khamtam hadien i yakhih wa pynman ha ka 19 tarik u August.

U General Secretary warim ka seiñ, u Donald V Thabah da ong u wa boon kiwa ksohkaam wa ki dkhot ka seiñ wa yoh Notice wei kiwa chah kem khlem daw. 

Da ong u wa ar ngut ki dkhot wa yoh Notice heiyatoh wa i chna Mandir ha Headquarter ka CBI ha Shillong wei da chah kem won uwi neibynta kawi tawon ka Case heiwa ya uwi da pynlait neibhah ym em u ha ka Rally tæ yoo lakam wa tlot ka chnat pulit.

Heiyatoh wa i wym leh iwon iwon pyrchah ya kiwa pynthut wei kah luti ha ka Public Hearing ka Shree Cement ha East Jaiñtia Hills, da ong u wa lada kem ki ya ki dkhot ka seiñ tæ ileh wym kem ya kiwa pynthut yei lai cha kani ka Public Hearing, kam kitu wa dat moo wei kiwa tih sarok hakhmat ki pulit wa ki bor District.

Da pyntip u wa ka KSU East Jaiñtia Hills Unit wa kiwa chong chnong ka Elaka Nongkhlieh da ujor FIR ki ha ka Crime Branch hadien wa e por ka seiñ le sngi ya ka sorkar wow kem ya kiwa emkti.

“Yow pait lada kem ki pulit ya kiwa pynthut yei lai cha ka Public Hearing,” da ong u Donald deiwa pynrap wa i kem ym pynsangeh i ya ka seiñ wow booddien yeiwa dawa.

Related posts

Chah kem uwi wa ka Pistol ha i thaw wow em yalang u Modi

September 8, 2026

Rai ki Nurse ka NEIGRIHMS wow sangeh chwa yei yakhih deiwa e por leh chi tayaaw

September 8, 2026

Kam wow kdaw heini wa ka Khasi Students’ Union (KSU) East Jaintia Hills District Unit ynne deilang wa ki kattu katni kiwa chong chnong ka Elaka Nongkhlieh da lai booh FIR ki ha Crime Branch pyrchah ya u Shailandra Bamaniya, Superintendent of Police (SP) ka East Jaiñtia Hills District, u Manish Kumar, Deputy Commissioner (DC) ka East Jaiñtia Hills District, u Franky Laloo, Environmental Engineer ka Meghalaya State Pollution Control Board (MSPCB) wa ya u G.H. Chyrmang, Member Secretary ka Meghalaya State Pollution Control Board (MSPCB) hajrong i awri awra iwa da jia heipor wa pynman Public Hearing ka Shree Cement ha ka 31 tarik u Naisaphra 2026.

Neiliang u K.S. Suchiang, Genenral Secretary ka KSU East Jaiñtia Hills District Unit hawa klam wa kiwa thoh khubor da ong u wa la ar bnai ka sorkar, ki pulit ym em leh ki iyi iyi pyrchah ya kitu kiwa emkti wow khang pyrchah ya ki paidbah wow lai cha ka Public Hearing.

Da kylli u ileh wym em kdong, wym em kem ki pulit ya kitu kiwa emkti wow kawang moo ya ki kari wa kiwa tih ya u sarok kamwa da kem ya kiwa yahkhmat ka seiñ.