U Chief Minister ka jylla, u Conrad K. Sangma, ynne da chong yachem u wa ki heh ka Health Department yow booddien yei pynchna ya kiwa boon ki thaw sumaar ha kylleiñ ka Meghalaya nadooh ki Sub Centre, ki Primary wa Community Health Centre deilang ki Hospital wa em ha waroh ki District ka jylla.
Ha ki ar snem wa da lai, da em palat 110 tylli ki Sub Centre kiwa dadep u pynchna wei sa 200 tylli ki Sub Centre daw pyndep u pynchna ha u March 2027. Da ini daw pynku ya ki Sub Centre wow em ki 700 tylli hapoh ka jylla kiwa em ha ki thaw wa jngai na ki thaw wa man sor.
I pynku kyrdan wei chna thymme ya kiwa boon ki thaw sumaar wa kynthup ya ka Bajengdoba, Byrnihat, Mahendraganj, Raksamgre wa Mylliem Umthlong leh kiwa da jan dep. Ka sorkar daw sdang noh ko leh wow pynkrehkaam ya kini kiwa dadep chna ha u January 2027.
Da pyntip leh wa ka 100 Bedded Hospital wa em ha Resubelpara leh daw pynkrehkaam noh ka ym slem de.
Deiwa khieñlang kini waroh daw pynku da palat 600 tylli ki palong najrong ki 7,000 tylli kiwa da em chwa kattæ ha ki thaw sumaar ka sorkar wei lyngba ki laad yarap wa boon, neiliang ka sorkar da pynlut ko Rs.750 klur ha ki kaam sumaar sukhær ha ki 5 snem wa da lai.
Discussion about this post