Deiwa brait da u sumrit dung ha kiwa kreh lute uwi ya ka chnat ka SBI

Uwi u bru uwa 28 snem i rta da chah kem u hadien wa lute u ya ka State Bank of India (SBI) hadooh Rs. 4.53 lak deiwa pynemkaam da u sumrit wadung (Chili Powder) ha Nagpur.

Ini da jia i ha Bhande Plot ynnin i janmiet ka 10 tarik wei mar ya thooh ya uni u bru da yoh kem wot ya oo chirup wa ka poisa. 

Ki pulit da pyntip ki wa kiwa kreh ka SBI da sai poisa ki na ka kor ATM wei da liwan ki cha ka Branch heipor 5:30 i janmiet wei uni u bru da bood u ki nadien chapoh ka Bank wei da brait u da u sumrit dung ha ki wei da knieh u ya ka posa iwa pynman ya kiwa kreh wow kbai wei wow beh ya oo.

Ha i riñ ka CCTV da yoo ya uni u bru uwa da murieh yei dur deiwa kylleiñ da ka that wei rah u ya ka muna Plastic ha kti wa em u Chili Powder hapoh wa pynemkaam u yow brait ha kiwa kreh kiwa da yut da rieh na uni u bru.

Related posts

Phah ki MDC ka East Jaiñtia ya ki karkhana Coke wow pynkhooid ya ka la’ær wa mih | Daw pynchitom ya ki wym leh

September 11, 2026

Kam cha phlim, e kti uwi ya ka kurim cha uwa maya ko

September 11, 2026

Ki pulit wa em hajan mar ya yoo yeiwa awri da behlang ki wei da yoh kem noh ya oo chirup wa ka Rs 4.53 lak.

Ya uni u bru da tip kam u Suraj Borkar, uwa na Tatoli, Bhivapur.

Neiliang ki pulit da pynman ki yei takit wow chem lada emkti kiwi tawon.