Ka Meghalaya Football Association ynne da pynmih ko yei pyrtuid ki 20 ngut ki kynthai ki wow chimbynta ha ka Dr. Talimeren Ao National Football Championship ka Junior Girls (Tier 2) 2026-27.
Ya kiwa yalehke da pyn-eh-daw ki ynne ha ka yalang wa pynman ha ka madan ka MFA deiwa emlang ki heh ka MFA hei yahkhmat u Vice-President, u Cliff Nongrum.
Ya kini kiwa yalehke daw Coach da u Haphi Kharkongor wei daw lai ki cha Narainpur, Chhattisgarh kawa man kam ka thaw wa pynman ya ki yalehke yong waroh ki Tier 2.
Ka Meghalaya da em ko ha ka Group C deilang ka Jammu and Kashmir, Punjab wa Nagaland wei daw yachem nyngkong ki wa ka J&K ha ka 18 tarik uni u bnai.
Ka Tier 2 toh kawa em 18 tylli ki Team kiwa da yabhah ha ki 4 tylli ki Group wei du kiwa yoh nyngkong ha ki jar jiar ki Group kiwa daw yoh u psiah Semi Final wei kiwa psiah Final daw ku ki cha ka Tier 1 ha ka samoi wow wan.
Kiwa yalehke ka Meghalaya: Dawansaphi Snaitang, Ripaia Phawa, Paleimon L Lyngkhoi, Daficare Lyngkhoi, Nishalin Nongrum, Venecle Kharmusulman, Vanessa Phiba Mawthoh, Bandabetshisha Nongrum, Saralang Lapang, Peacefully Pohplet, Deiphiwansara Lyngkhoi, Jenisha Rani, Marbahun Syiemlieh, Jesica Thongni, Queenilia Kharnaior, Laiahunlang Nongrang, Bansara Rynshiang, Saphidabet Kharmalki, Linsa Manbha Kharpran, Bakhamkor Mawlong
Support staff: Haphi Kharkongor (Head Coach), Mickyson Rani (Assistant Coach), Loyalty L Phanrang (Manager), Monaliza Don (Physio)
Discussion about this post