Siat u koidi ya u pulit hapoh Jail katwa dang thmu wow yut

Iwi i Video wa da mih napoh ka Raisen District Jail, MP da yoo ya u koidi (UTP) wa da siat u ya u pulit hapoh ka Jail ha ka 9 tarik uni u bnai katwa dang thmu u wow yut wei ya uni u bru uwa 40 snem da kset la chi snem neidaw wa tynyap bru u.

Uni u pulit wa tip kam u Digvijay Singh Tomar, da kit ya oo cha District Hospital chwa wow kit ya oo cha AIIMS Bhopal neibhah u kuli da toh u na kpoh.

Ini da jia i heipor 9:00 waje i step wei uni u koidi wa tip kam u Nilesh Thakur da siat u ya u Tomar da ka Pistol.

Hadien ini da Suspend ya u Superintendent ka Raisen Jail neibhah wa u Thakur da ye u wow wanrah da ka Pistol chapoh patok.

Related posts

Chem ka High Court wa chah kset 17 ngut ki baar ri palat yei por ha Meghalaya | Uwi palat 10 snem

September 12, 2026

Dawa Election jied Waheh Chnong ki paidbah ka Bamkamar ym pdiang ki ya u Acting Waheh Chnong | Beiñ ki yeiwa leh u Dolloi

September 12, 2026

U SP ka Rasien District, u Ashutosh Gupta da pyntip u wa da Register ya ka Case wow pyrchang tynyap bru pyrchah ya u Thakur wei i takit kammon yoh u ya ka Pistol dang lai i chaphrang.

U Thakur toh uwa na Dimada najan Bareli wei ha ini i yaleh ym em yoh u wow lait napoh Jail hadien wa da yoh biang wow ksoh oo.