U Commissioner & Secretary ka Health and Family Welfare Department ka sorkar Meghalaya da pyntip u wa da pyndam noh yeiwa dadep pynbna yei yabhah ya ki Medical College cha kiwa lai puræ Doctor kawa man leh ka Round-1 ka Counselling.
Yeini da leh hadien wa em boon kiwa lai puræ kamjooh ki bei ki pa kiwa da pynsñiaw yei wym em hun ki yei rukom yabhah ya ki College heiwa da yoh leh ya ka ujor na ka JSU.
Manda pynman biang deiwi ya ka Counselling daw pait katwon yoh ki ha ka NEET, hapoh kayi ka Reservation Quota em ki, ya kawon ka College jied ki wei katwon tylli ki Seat wa lait.
Waroh kiwa da chah jied wow lai puræ u em ki ka jooh ka laad wow pyntip heiwon kwah ki wow lai puræ chwa wow yabhah ya ki thaw puræ.
Da pynche leh wym chah ktah kitu kiwa da pynsñiaw yei wym hun ki wei lada jied ki da kiwi won ki College iwa phær na iwa da jied chwa ki leh ym em i wow chah ktah.
Da pynche leh wa lada pynbait donhi yeiwa dadep pynmih ini wadep ye ko wow wanrah chooh chooh yei khñium na kiwi, kamtæ da bha u leh yeini waroh deiwi.
Ka tarik wow pynman biang ya ka Counselling toh ha ka 16 wa 17 tarik uni u bnai wei chwa ini daw pynbna leh ya ka SOP kammon u leh yeini waroh yow tiplang da waroh.
Details of Re-Counselling:
Date: 16th and 17th September 2026
Reporting Time: 11:00 AM
Venuе: Office of the Director of Health Services of Medical Education & Research (DME&R), Top Floor, Health Complex, Laitumkhrah, Shillong.
Discussion about this post