I phah poisa da ka UPI na uwi cha uwi ym toh dan i | Du 4% na kiwa khayi wow chah ktah: Finance Ministry

Ka Ministry of Finance ynne ka sngi da pynche ko wym chah ktah hawa phah poisa na uwi u bru cha uwi hanla phah ki katwon katwon ka poisa leh heiwa ym toh ki kawon kawon ka dan.

Hawa thied næ su neibynta iwon iwon hadooh Rs. 2000 ym hap su ya ka Merchant Discount Rate (MDR) da kiwa dai wei 96% na kiwa khayi ym ngat ki ha ka MDR.

Da pynche wa hawa phah poisa na uwi u bru cha uwi u bru man ko kawa khlem da toh dan wei ym em kiwon kiwon kiwa ye wow dawa su ya ka MDR.

Neibynta won kiwa khayi deiwa khian wa kynthup ya kiwa chongdai cha sarok kiwa yoh hadooh Rs. 1 lak chi bnai lyngba ka UPI, ym hap ki wow su ya ka MDR.

Lada hap su ya ka DMR hawa su palat Rs. 2000 chaneiñ, u kheiñ du 0.4% kawa daw yabhah cha kitu kiwa pynkrehkaam ya ki UPI App nadooh ki Bank wa ki Payment Service Providers. Lada su palat Rs. 75,000 won, ka MDR u man ko Rs. 300 chisien phah poisa.

Neibynta won kitu ki jait kaam wa duna bha ka nong wa kynthup ya ka Railways, Telecommunication, Indurance, Fuel wa Argricultural Inputs daw kheiñ ya ka MDR ki hei dor wa Rs. 5 chisien phah poisa.

Related posts

Kyntait u SP ka East Jaiñtia Hills yeiwa mih khubor wa em 5 ngut kiwa yap nei pdung ka krem mooyong

October 30, 2026

Khut ka MPSS Training Centre ya kiwa kwah yoh Training man Security Guard neibynta ka 17th Batch

October 30, 2026

Da pynche leh wa kani ka MDR ymtoh wow su da kiwa thied ya kiwon kiwon ki mar næ ki kaam wa hap su wei da phah ya ki Bank wow pyntikna ki wa kiwa khayi ym pynkit ki ya kani ka DMR cha ki bru paidbah kamjooh leh da khang ya kiwa pynkrehkaam ya ki UPI wow pynsu ya ki bru paidbah.

Da ong leh wa na kiwa khayi du 4% kiwa daw hap su ya ka DMR iwa mut 96% ym chah ktah ki.