Pynhiar tput u diah deiwa pam hadooh wa yap ya uwa pynyap ya ka payu

Uwi u khynroo uwa dang 19 snem da pynhiar tput u deiwa pam da ka wait hadooh wa yap ya u kurim ka payu u uwa da suba wa pynyap ka hadien wa pynbna ko ha YouTube wa punkhon ko.

Kani ka kynthai toh kawa man kam ka YouTuber na jylla Telangana kawa tip kam ka C Vaishnavi wei u kurim ko toh u C Hari Babu katwa u diah toh uwa tip kam u G Santhosh.

U Santosh hadien wa pynyap u ya u kurim ka payu u, da phla u deiwa riñ Video ya idæ (Selfie) wa da leh u yeini i kaam deiwa pam ya u Babu hadooh wa yap da ka wait wa pynemkaam yow ah snikor wei da leh u yeini neidaw wa kwah u wow pynoh yei hok ka payu u hadien wa da yang da ki bnai yow leh ki aiñ iyi ræ iyi.

Ka Vashnavi (20 snem) da chem wa em wa pynyap ka ha yung wa sah ko ha ka 17-03-26 ha Jagtial District heiwa da suba wa da leh yeini i kaam da u kurim ko, u Babu uwa da chah kem tangwa da yoh jamin u ha u Naiynñiaw.

Katkam wa pyntip ki pulit, u Babu hadien wa yoh jamin da im-ja u deiwa dai saru.

Related posts

Da ka Death Penalty yoh ki 10 ngut kiwa pynyap ya 27 ngut deilang ki heh ka Congress

September 19, 2026

Pynkut uwa lait puræ IIT Bombay yei mynsien hadien wa chem wa leh thok u heipor wa thoh Exam

September 19, 2026

Ha ka sngi wa chah pynyap u iwa da yoh wow riñdur da ka CCTV, da yoo wa lai u cha kawi ka dukan wa dai Panipuri wa em ha Shivajinagar ka chnong Nizambad wei heini i por da yoo wa wan kawi ka kari rong lieh heiwa da mih uwi u bru uwa da phet na chiliang sarok deiwa rah wait ha kti wei da pam u ya u Babu boonsien hadooh wa yap da ka wait nei bynta i khlieh wa u rdang wei da yut u deiwa psiah biang hapoh ka kari wa wan u.

Chwa ini waroh wei chwa wow chah pynyap ka Vaishnavi, i takit ki pulit da chem wa da mih ko nei yung u kurim ko neidaw wa joor dawa Dowry u heiwa da liwan ko wow lai sah biang cha yung bei ko iwa em marjan wa i yung u kurim ko wei kini ki ar ngut da bia ki ynnin u snem.

Katkam wa chem ki pulit, u Babu da lai thooh u ya ka Vaishnavi yow liwan ko tangwa ym bien ko wei da sah u ha yung ko chi miet deiwa sah jar jiar i kamra.

Kattu katni kynta chwa wow chem yei metyap ko, da booh ko yei Video yow pynbna wa ka da punkhon ko deiwa kyrmen wa waroh u lai bait i wei da wan ko leh wow leh Scanning deiwa khana boi kattu daw duna i chna wei pynmih Reel ko.

Yei metyap ko da chem da ka bei ko deiwa em kha wa chah dung ha rupai wa rdang wei ki pulit da chem ki leh ki dak wa chah ksih ko wei ym em chem ya u Babu cheiwon cheiwon.

Kiwa ha-yung ha-sem ka Vaishnavi da ong ki wa u kurim ko da paan Dowry chooh chooh u na ka wei ym em leh kmen u yeiwa pynemkaam Social Media ko.