Ka Indian Institute of Technology (IIT) Bombay da pynche ko hadien wa em uwa puræ Second Year ha ka Department of Energy Science & Engineering da pynkut u yei mynsien ynnin i janmiet.
Da ong ko wa ynnin i sngi heipor wa pynman Exam da chem ya uwi uwa pynemkaam da ka Mobile Phone hapoh ka Exam Hall heiwa da Upload u ya ka Question Paper cha ka ChatGPT yow kylli kammon u jubab.
Wot hawa chem yeini, neiliang ka thaw puræ ym em pynchitom ka oo tangwa da yaklam wa uni da u khlieh kani ka chnat puræ heiwa da yasyllok da sneiñ ya oo deiwa kular wa ini wa jia ym ktah ko yei puræ puthi u.
Kamtæ da liwan u cha kamra Hostel u wei hei janmiet da chem wa da pynkut u yei mynsien.
Neiliang ka IIT Bombay da sñiawsih ko hawa dooh ya uwa dang lai puræ wei u e ko yei kyrchaan cha ki lok ki jor u deilang kiwa ha-yung ha-sem wa kiwi de kiwa emkaam yarap.
Ynnin i miet neiliang kiwa puræ ka IIT Bombay da pynman ki yei yakhih yow dawa jubab yeini wa jia heiwa da dawa ki leh wow hiar chuki u Examination In-Charge, u Director ka IIT Bombay wa kiwa sikai ka Energy Science and Engineering Department.
Da dawa leh wow pait deiwi ya ka Disciplinary Code of Conduct kani ka thaw puræ.
Discussion about this post