I thmu ka sorkar wow pynkylla yei rukom su deiwa pynemkaam da ki UPI da wanrah ko yei pyrchah na kiwa pynlai ya ki Petrol Pump ka jylla Madhya Pradesh wa kiwi de kiwa me chajan.
Kam wow pyrchah, da rai wym pdiang de yei su UPI iwa palat Rs 2,000 nadooh ka 15 tarik u October lada ym pynlait ka sorkar na ka Merchant Discount Rate (MDR).
Ka sorkar pyrdi da pynbna ko ya ka MDR kawa 0.4% wa hap su da kiwa pynlai ya ki Petrol Pump tangwa ki won da dawa ki wow pynlait na kani.
Lada jia ini, ki paidbah daw hap ki wow su da ka poisa lane da kiwi ki jiat kam ki Debit wa Credit Card lada thap phñiang ki palat Rs. 2,000.
Ki tre Petrol Pump da ong ki wa ka nong ki toh kawa khian bha wei ka Commission ki leh ym em de ku ko iwa da pynkhia ya ki wow su ya kani ka MDR.
Ka All India Petroleum Dealers Association da kyrchaan ko yeini i dawa wow pynlait na ka MDR kamjooh leh ka Confederation of All India Traders (CAIT) da pynsñiaw ko yei sñiawkhia yeini wa hap su da ki Petrol Pump ya ka MDR lada em wa thied phñiang palat Rs 2,000.
Discussion about this post