Ka yung krehkaam ka Deputy Commissioner, West Khasi Hills District, Nongstoiñ, da chimkhia ko yeiwa chah pynbaad heiyatoh wa i yaleh kreh Staff Nurse ha MCH Hospital, Nongstoiñ.
Hawa e jubab yeiwa da booh ujor da ka VPP State Youth Wing, neiliang ka DC da ong ko wa u pyntikna wa i khut yaleh kreh man i iwa khooid khlem em iwon iwo i leh thok, i dai i thied, i pynbaam tangka yow pyntikna wa kiwa poi chakhmat u yoh ki yei kreh we ini man i iwa emkaam dooh ya ki bor District wei kiwon kiwon kiwa leh tooh næ kiwon kiwon kiwa man pyrchah aiñ daw pynchitom ki katkam ka aiñ.
Da pyntip leh wa da thung da ka Formal Inquiry Committee wow emlang u H. Kharkongor, MPS, Superintendent of Police, West Khasi Hills District, Nongstoiñ wa u E. Lyngdoh, MCS, AC & Executive Magistrate, West Khasi Hills District, Nongstoiñ.
Chooh chooh da ong wa ym pynbna Result lane ki Final Selection List kat wym pu pyndep yei takit.
Da kyntu ya kiwa leh kreh kamjooh ki paidbah wym toh u chah pynbiej chah phon ki ha ki bru wa chim kabu, ki dalal lane kiwon kiwon kiwa kam toh wa ye ki u pynyoh kreh wei wow pyntip ya kam kini ki bru cha ki bor District lane cha ka Inquiry Committee.
Neiliang ka DC da ban joor ko wa manda yoh ya ka Inquiry Report wei kiwa chem wa leh bakla daw pynchitom ki katkam ka aiñ.
Discussion about this post