Uwi u MLA ka Congress ha Uttarakhand, u Harish Dhami da tympiah tympra u ya ki tiar ki tar wa em ha ka Stage wa pynman ya ka Jauljibi Fair hadien wym yoh u klam ha ka yalang wa wan u Chief Minister ka jylla, u Pushkar Singh Dham uwa wai ya kani ka yaaw ha khappood India-Tibet.
U Harish da kawang u ya ki Microphone, ki chuki wa kiwi de hadien wa palat u CM ha ka 14 tarik uni u bnai ha Pithoragarh District.
Heiyatoh wa ini da ujor ya ka Case ha ki pulit pyrchah ya u Harish wa ki san ngut kiwi tawon.
Ka yutip wa tikna da ong wa u Harish uwa man u MLA ka Dharchula Constituency man u leh u Chairperson ka Fair Committee wei da chrai u neidaw wym yoh u klam heipor wa em u Chief Minister.
Ki Video na ini i jia da poor bha ki ha Social Media.
Hadien ini u Harish da pynche u wa i daw wa chrai u toh wa kam u Chairperson ka Committee wei kam uwa mihkhmat ymyoh u wow pynsñiaw ya ki mat wa kwah u wow klam khamtam wa yatoh wa i yap ka khynnah wa dang 8 snem wa kamjooh i sih sarok hapoh ka Constituency.
Discussion about this post